நிலவில் காய்கறிகளை பயிரிட நினைத்த சீனாவின் முயற்சி தோல்வி

சீனா நாட்டை சேர்ந்த விண்கலம், வியாழக்கிழமை சந்திரனில் இருந்து 1,731 கிராம் மண் மாதிரிகளுடன் சாங் 5 பூமிக்குத் திரும்பியது. இதனை தொடர்ந்து பல நாட்டை சேர்ந்தவர்கள் சீனா நிலாவில் இருந்து எடுத்துவந்த மண் மாதிரியை வைத்து காய்கறிகளை பயிரிட சீனா முயற்சி செய்கிறதா என்று விவாத தொடங்கிவிட்டனர்.

ஆனால் அறிவியல் அவர்களை ஏமாற்றியிருக்கலாம். "பூமியில் உள்ள கரிம மண்ணைப் போலன்றி, சந்திரனில் இருந்து வரும் மண்ணில் எந்த கரிம ஊட்டச்சத்துக்களும் இல்லை, அது மிகவும் வறண்டது, இது காய்கறிகளுக்கோ உருளைக்கிழங்கிற்கோ உகந்ததல்ல" என்று சமீபத்தில் சி.சி.டி.வி செய்தி நிறுவனம் மூலம் தெரியப்படுத்தியுள்ளார். 

சீன நெட்டிசன்கள் சந்திரனில் காய்கறிகளை வளர்ப்பதில் அதிக அக்கறை கொண்டுள்ளனர். "சந்திர மண்ணால் உண்மையில் காய்கறிகளை வளர்க்க முடியாது" என்ற தலைப்பு சீனா வீடியோ சமூகத்தளத்தில் அறுபது லட்சத்திற்கு மேல் விவாதத்தை செய்தியை பார்த்துள்ளனர் என்பது குறிப்பிடத்தக்கது.

சந்திரனில் உள்ள மண்ணில் காய்கறிகளை வளர்க்க முடியாது என்றாலும், அதை வேறு வழிகளில் பயன்படுத்தலாம். நீண்டகால சூரியக் காற்று சந்திர மண்ணில் அதிக அளவு ஹீலியம் -3 ஐ செலுத்தியது, இது தூய்மையான ஆற்றலாகவும் தெர்மோநியூக்ளியர் இணைவு மூலம் மின்சாரத்தை உருவாக்கவும் முடியும் என்று சீனாவின் செய்தி நிறுவனமான சிசிடிவி வெளியிட்டுள்ள வீடியோவில் தெரிவிக்கப்பட்டுள்ளது.

வெவ்வேறு நோக்கங்களுக்காக நிலவின் மண் மாதிரிகள் மூன்று பகுதிகளாக பிரிக்கப்படும் என்று சிஎன்எஸ்ஏ துணைத் தலைவர் தெரிவித்துள்ளார். விஞ்ஞான ஆராய்ச்சிக்கான ஆய்வகங்கள் சிலவற்றைப் பெறும்.

மற்றொன்று பொதுமக்களின் கல்விக்காக தேசிய அருங்காட்சியகங்களில் காண்பிக்கப்படும் மற்றும் சந்திர தரவு மேலாண்மை விதிமுறைகளின்படி சர்வதேச சமூகத்துடன் பகிரப்படும். விண்வெளி விஷயங்களில் சீனாவுடன் நெருக்கமாக பணியாற்றும் நாடுகளுக்கு அவை சிறப்பு பரிசுகளாக கூட வழங்கப்படலாம்.

சீனக் கடற்படையின் வீரர்கள் தென் சீனக் கடலின் ஜிஷா தீவுகளில் உள்ள யோங்சிங் தீவில் மணலில் காய்கறிகளை வெற்றிகரமாக பயிரிட்டுள்ளனர். கூடுதலாக, சீன அறிவியல் பயணக் குழுவும் அண்டார்டிகாவில் காய்கறிகளை பயிரிட்டுள்ளது.