அதிமுக 50000 வாக்குகள் வித்தியாசத்தில் வெற்றிபெறும் - விஜயபாஸ்கர்

அ.தி.மு.க.வின் சார்பாக அரவக்குறிச்சி தொகுதியில் போட்டியிடும் வி.செந்தில்நாதன் 50,000 வாக்குகள் வித்தியாசத்தில் வெற்றி பெறுவார் என்று போக்குவரத்துத்துறை அமைச்சர் எம்.ஆர்.விஜயபாஸ்கர் புதன்கிழமை தெரிவித்தார். அமமுக ஆளும் கட்சி ஓட்டை மட்டும் அல்ல, பிற கட்சி வாக்குகளையும் தான் பிரிக்கும் என்று கூறினார்.

அதிமுக கரூர் அலுவலகத்தில் வேட்பாளர் அறிமுக நிகழ்வின் பின்னர் ஊடகவியலாளர்களை சந்தித்த விஜயபாஸ்கர், "ஆர்.செந்தில்நாதன் அரவக்குறிச்சியில் போட்டியிட நமது முதல்வர்  மற்றும் துணை முதல்வரால் தேர்ந்தெடுக்கப்பட்டுள்ளார். அ.தி.மு.க. வேட்பாளர்களை நிறுத்தும் நான்கு தொகுதிகளில், அரவக்குறிச்சியின் தேர்தல் முக்கியமானது. அதிக அளவு பணப்புழக்கத்தின் காரணமாக கடந்த தேர்தல் நிறுத்தப்பட்டது.

அரவக்குறிச்சியில் தேர்தலில் போட்டியிடும் வாய்ப்பை முன்னாள் கடந்தமுறை வேட்பாளரால் (செந்தில் பாலாஜியைப் பற்றி) நிலைப்பாட்டை தக்கவைக்க முடியவில்லை. வரவிருக்கும் தேர்தலில் அரவக்குரிச்சி அதிமுக இன்னும் அதிகமான வாக்குகளை பெறும் என்று நாங்கள் நிரூபிப்போம்."

"2011 தேர்தல்களில் தி.மு.க.வின் கே.சி.பழனிசாமி செந்தில்நாதனிடம் எப்படி தோல்வி அடைந்தார் என்பதை மக்கள் நன்கு அறிவர். இந்த முறை, நாங்கள் நிச்சயமாக 50,000 வாக்குகள் வித்தியாசத்தில் வெற்றி பெறுவோம், எங்கள் முதல்வர் மற்றும் துணை முதல்வருக்கான வெற்றிக்கு அர்ப்பணிப்போம். 2011 ல் அவருக்கு துரோகம் செய்த நபரை செந்தில்நாதன் தோற்கடிப்பார், "என்று கூறினார்.