மகிந்த ராஜபக்ச குடும்பத்துடன் இந்தியாவுக்கு தப்பிச் சென்றாரா?

இலங்கையின் முன்னாள் பிரதமர் மகிந்த ராஜபக்ச குடும்பத்துடன் இந்தியாவுக்கு தப்பிச் சென்றாரா? இந்தியா  இதை மறுத்துள்ளது. 

நாடு தொடர்ந்து பொருளாதார நெருக்கடியில் சிக்கியுள்ள நிலையில், இலங்கையின் முன்னாள் பிரதமர் மகிந்த ராஜபக்ச மே 9ஆம் தேதி தனது பதவியை ராஜினாமா செய்தார். அவர் ராஜினாமா செய்த உடனேயே, அவர் நாட்டை விட்டு தப்பிச் செல்வதாக சில வதந்திகள் வெளியாகின.

முன்னாள் பிரதமர் ராஜபக்சே தனது ராஜினாமா கடிதத்தை சமர்ப்பித்தவுடன் தனது குடும்பத்தினருடன் அண்டை நாடான இந்தியாவுக்கு தப்பிச் சென்றதாக பல வகையில் செய்திகள் பரவின. இந்த வதந்திகளைக் கருத்தில் கொண்டு, இந்திய அரசாங்கம் வெளியிட்ட செய்தியில், சமூக ஊடக பயனர்கள் மற்றும் ஊடக அறிக்கைகளின் செய்தி முற்றிலும் போலி மற்றும் அப்பட்டமான பொய் என்று தெரிவிக்கப்பட்டுள்ளது.

மகிந்த ராஜபக்ச இலங்கையின் பிரதமர் பதவியில் இருந்து திங்கட்கிழமை ராஜினாமா செய்திருந்தார். அவரது ஆதரவாளர்கள் நாட்டில் அரசாங்க எதிர்ப்பு ஆர்ப்பாட்டக்காரர்களைத் தாக்கிய சில மணிநேரங்களுக்குப் பிறகு, நெருக்கடி நிறைந்த நாட்டில் தொடர்ச்சியான வன்முறை நடந்தேறியது.

முன்னாள் பிரதமர், செவ்வாய்கிழமை அதிகாலை தனது குடும்பத்தினருடன் தனது அலுவலகத்தை விட்டு வெளியேறியதாகவும், அன்றிலிருந்து அவர் இருக்கும் இடம் குறித்து ஊகிக்கப்படுவதாகவும் கூறப்படுகிறது. அவர் தனது அலுவலகத்தை காலி செய்துவிட்டு இலங்கையில் உள்ள கடற்படை தளத்தில் தஞ்சமடைந்துள்ளதாகவும் செய்திகள் வெளியாகியுள்ளன.

ராஜபக்சே தனது குடும்பத்தினருடன் இந்திய நாட்டிற்கு தப்பிச் சென்றதாக வெளியான செய்திகளை இந்தியா மறுத்தாலும், இலங்கையின் ஜனநாயகம் மற்றும் பொருளாதார மீட்சிக்கு இந்தியா முழு ஆதரவளிப்பதாக வெளியுறவு அமைச்சகம் தெரிவித்துள்ளது.